Trupat ruse u përpoqën të depërtojnë në qytetin Sievierodonetsk, në rajonin e Luhanskut. Pesë persona thuhet se u vranë nga predhat në rajon gjatë ditës.
“Gjatë gjithë ditës, rusët u përpoqën të hynin në Sievierodonetsk nga Purdivka dhe Shchedryshchevo, sulmuan pozicionet e ushtrisë sonë në zonën e Ustynivka. Më 26 maj, katër banorë të Sievierodonetsk u vranë nga predhat e armikut. Rusët hapën zjarr në një stacion policie Askush nuk u lëndua. Një burrë tjetër u vra nga një predhë ruse në Komyshuvakha dje.”– njoftoi kreu i Administratës Ushtarake Rajonale të Luhanskut, Serhiy Haidai përmes një postimi në Telegram.
Sipas tij, banorët e Sievierodonetsk tashmë e kanë harruar kur situata ishte e qetë në qytet për të paktën gjysmë ore: “rusët qëllojnë vazhdimisht lagjet e banuara”.
Ukrinform shkruan se shumë ndërtesa banimi në të gjithë rajonin u shkatërruan.
Gjatë 24 orëve të fundit, 12 sulme të armikut u zmbrapsën në rajonin e Luhanskut. Një tank armik, pesë sisteme artilerie, pesë automjete të blinduara dhe pesë automjete u shkatërruan. Siç raportohet, rajoni i Luhanskut është nën sulmet e vazhdueshme ruse.
