Demokratët mbledhin sot Këshillin Kombëtar prej orës 11:00, ku PD do të zgjedhë Kryesinë e saj të re.
Sipas agjendës, do të jetë kryedemokrati Sali Berisha që do të mbajë fjalën i pari dhe fill pas tij kryetari i Këshillit Kombëtar, Edi Paloka, ndërsa menjëherë pas këtij momenti do të nisë votimi.
Paraprakisht çdo anëtar i Këshillit Kombëtar do të firmosë manualisht dhe elektronikisht për prezencën e tij në mbledhje, ndërsa numërimi do të jetë elektronik.
Gjatë mbledhjes së djeshme të Komisionit të Rithemelimit u miratua lista me 47 kandidatët e Sali Berishës.
