Njeriu më i pasur në botë, Elon Musk, pa pasurinë e tij të tkurret me 16.9 miliardë dollarë të premten, raporton Forbes.
Në fillim të kësaj jave, dolën raporte për planet e Musk për të pushuar nga puna 10% të punonjësve të Tesla dhe për të pezulluar punësimin, duke cituar letrën e rrjedhur të CEO-s drejtuar drejtuesve të lartë të kompanisë. Si rezultat, aksionet e Tesla ranë 9.2%, duke ulur edhe pasurinë e tij.
Sipas medias, pasuria e tij tani vlerësohet në 216.8 miliardë dollarë. Kjo nuk është hera e parë që fjalët e Musk i kushtojnë para atij dhe kompanisë. Në fillim të kësaj jave, aksionet ranë pasi Musk u bëri thirrje punonjësve të Tesla-s që të shpenzojnë të paktën 40 orë në javë në zyrë ose rrezikojnë të pushohen nga puna.
Muajin e kaluar, aksionet e prodhuesit të makinave panë rënien e tyre më të madhe këtë vit pas njoftimit të Musk se ai po blinte Tëitter. Aksionet e Tesla e mbyllën javën me rënie 33% për vitin.
“Gjëja më e madhe që investitorët ndoshta po mendojnë është se ata duan që Musk ta mbyllë gojën.” – tha për Forbes Matt Maley, shefi i strategjisë së tregut në Miller Tabak.
Në përgjithësi, që nga fillimi i vitit, pasuria e Musk është zvogëluar me 55 miliardë dollarë. Megjithatë, ai ende mban titullin e njeriut më të pasur në botë, sipas Forbes, duke mposhtur manjatin francez të mallrave luksoze Bernard Arnault dhe themeluesin e Amazon, Jeff Bezos.
