Çmimet në pikat e karburantit në Holandë janë rritur në nivele rekord, të nxitura nga kostoja në rritje e naftës, sipas të dhënave nga grupi holandez i konsumatorëve UnitedConsumers.
Çmimi i shitjes me pakicë për një litër benzinë tani është 2.50 euro, tregojnë të dhënat. Kostoja e benzinës është rritur për 0,2 cent për litër, krahasuar me atë të shënuar më 10 mars. Gjithashtu çmimi i naftës është rritur, mesatarisht në 2,22 euro për litër.
Ekspertët thonë se vendimi i BE-së për të ndaluar të gjitha importet e naftës ruse deri në fund të vitit 2022 do të ketë një ndikim të rëndësishëm në atë se sa do paguajnë shoferët holandezë. Çmimet e benzinës ka të ngjarë të rriten më tej gjatë muajve të ardhshëm, parashikojnë analistët.
Rritja e çmimeve të naftës, gazit dhe energjisë elektrike ka prekur kompanitë dhe klientët në të gjithë Evropën. Inflacioni vjetor në Holandë në maj ishte 10.2%, krahasuar me 11.2% një muaj më parë, sipas Statistikave të Holandës (CBS). Inflacioni mbetet i lartë, i nxitur nga rritja e çmimeve të energjisë dhe ushqimeve.
