Ambasadorja e SHBA-ve në Tiranë, Yuri Kim ka takuar sot kreun e ardhshëm të shtetit, Bajram Begaj.
Në një njoftim të ambasadës, thuhet se Kim pret me padurim të vazhdojnë bashkëpunimin e shkëlqyer me Begajn në detyrën e tij të re.
“Ambasadorja e SHBA Yuri Kim u takua sot me Presidentin e zgjedhur Bajram Begaj në Pallatin Presidencial (Pallati i Brigadave) në Tiranë.
Ajo e uroi atë për zgjedhjen e tij si President i ardhshëm i Shqipërisë dhe përsëriti se Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re. Ambasadorja Kim e falënderoi atë për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021 dhe vuri në dukje se ajo pret shumë takime të tjera me Presidentin e zgjedhur Begaj gjatë presidencës së tij të ardhshme.”- thuhet në mesazhin e ambasadës amerikane.
