Konsumatorët gjermanë mund t’i shohin faturat e tyre të gazit dyfish ose trefish deri në dimrin e ardhshëm, ka paralajmëruar kreu i rregullatorit të energjisë në vend.
Klaus Muller, President i Agjencisë Federale të Rrjetit, tha se mbyllja e ardhshme e tubacionit Nord Stream 1, i cili sjell gazin natyror rus në Gjermani nëpërmjet Detit Baltik, mund të shkaktojë ndërprerjen e plotë të gazit.
“Shumica e skenarëve nuk janë të bukur dhe rezultojnë në shumë pak gaz në fund të dimrit ose një situatë shumë të vështirë në vjeshtë ose dimër.” – i tha Muller transmetuesit publik ARD të premten.
Zyrtari u bëri thirrje njerëzve të kursejnë energjinë ndërsa faturat rriten.
“Të gjithë në industri dhe në jetën e tyre shtëpiake mund të ndihmojnë në këtë. Kjo përfshin qëndrimin në dush, pakësimin e ngrohjes, e gjithë kjo ndihmon.” – tha ai.
Në fillim të kësaj jave, gjiganti rus i energjisë Gazprom tha se gazsjellësi Nord Stream 1 do ndalojë dërgimin e gazit në Gjermani për 10 ditë në mes të korrikut për shkak të mirëmbajtjes së planifikuar vjetore. Puna do të zhvillohet nga data 11 korrik deri më 21 korrik.
Javën e kaluar, kompania ruse u detyrua të zvogëlojë dërgesat përmes tubacionit deri në 60% për shkak të problemeve teknike që rrjedhin nga sanksionet perëndimore kundër Moskës.
Gazprom tha se furnizuesi gjerman i pajisjeve Siemens Energy kishte dështuar të kthente në kohë njësitë e pompimit të gazit në një stacion kompresori, pasi turbinat e riparuara për rrugën e gazit janë bllokuar në një objekt mirëmbajtjeje në Kanada për shkak të sanksioneve të Otavës ndaj Rusisë.
Shpjegimi i Rusisë është hedhur poshtë vazhdimisht si pretekst nga autoritetet gjermane, të cilat akuzojnë Moskën për përdorimin e gazit si armë politike.
