Kanadaja dhe Gjermania thuhet se kanë arritur një marrëveshje për dorëzimin e një turbine me gaz Siemens që nuk u kthye nga Kanadaja te operatori i gazsjellësit Nord Stream 1 në kohë për shkak të sanksioneve të Otavës ndaj Moskës.
Një vendim për kthimin e turbinës ishte marrë tashmë, tha të premten një burim i njohur me këtë çështje, cituar nga Reuters.
Një burim qeveritar i tha agjencisë se ajo do i dorëzohej Gjermanisë së pari, e cila më pas do ta dërgojë atë te Gazprom në mënyrë që Kanadaja të mos shkelë asnjë sanksion.
Muajin e kaluar, një problem operacional, i shkaktuar nga dështimi i kthimit në kohë të turbinës së shërbimit, detyroi Nord Stream AG të lidhur me Gazprom të pakësojë rrjedhën përmes tubacionit në 40% të kapacitetit.
Të premten, Moska tha se furnizimet me gaz në Evropë do rriteshin nëse turbina do kthehej.
Ndërkohë, Kievi thuhet se po kërkonte të bllokonte kthimin e turbinës së gazit në Rusi, duke pretenduar se një precedent i tillë do gërryente sanksionet e vendosura ndaj saj në përgjigje të operacionit ushtarak të Moskës në Ukrainë.
Mosmarrëveshja vjen në mes të një përplasjeje më të gjerë midis Rusisë dhe BE-së, me Brukselin që përpiqet të largojë bllokun nga energjia ruse në një përpjekje për të ulur varësinë e tij në vendin e goditur nga sanksionet.
