Policia e Shkodrës ka arrestuar një 32-vjeçar nga Kazakistani, i cili ishte shpallur në kërkim ndërkombëtar. I riu me inicialet A. K., banues në Gjermani u kap në pikën kufitare të Muriqanit.
“Arrestohet me qëllim ekstradimi drejt Gjermanisë, një shtetas i shpallur në kërkim ndërkombëtar.
Shërbimet e PKK Muriqan, si rezultat i kontrolleve të shtuara për kapjen e personave të shpallur në kërkim kombëtar dhe ndërkombëtar, falë shkëmbimit të informacionit më Interpol Tirana, kanë vënë në pranga shtetasin e shpallur në kërkim ndërkombëtar:
A.K. 32 vjeç, lindur në Kazakistan dhe banues në Gjermani.”– thuhet në njoftimin e Policisë.
Specialistët për Hetimin e Narkotikëve dhe Trafiqeve të Paligjshme thonë se e bënë ndalimin e këtij shtetasi, me qëllim ekstradimin e tij në Gjermani, pasi Gjykata Lokale e Kempten, Gjermani, me vendimin e datës 27.04.2022, i ka caktuar atij masën e sigurisë “Arrest në burg”, për veprën penale “Shkelje e ligjit për narkotikët”, parashikuar nga Kodi Penal i Gjermanisë.
Në bashkëpunim me autoritetet ligjzbatuese gjermane po kryhen veprimet për ekstradimin e këtij shtetasi, në Gjermani.
