Kryetarja e Dhomës së Përfaqësuesve të SHBA-së, Nancy Pelosi, ka deklaruar se nuk është penduar për udhëtimin e saj të fundit të diskutueshëm në Tajvan dhe e përshkroi atë si “plotësisht të vlefshëm” gjatë një interviste televizive.
Politikania 82-vjeçare këmbënguli në një intervistë për emisionin “Today” se kishte “mbështetje dërrmuese dypartiake” për vizitën dhe se ajo dhe delegacioni i saj u pritën shumë mirë nga qeveria tajvaneze dhe populli i saj.
Megjithatë, ajo deklaroi se pozicioni i Kinës në udhëtimin e saj ishte i parëndësishëm dhe këmbënguli se Kina “nuk do të lejohet të izolojë Tajvanin” ose të diktojë se kush mund dhe nuk mund ta vizitojë ishullin.
“Ajo që po bëjnë kinezët është ajo që bëjnë zakonisht.”- vuri në dukje Pelosi në lidhje me përgjigjen e Pekinit ndaj incidentit, citon RT.
Ajo shtoi se presidenti kinez Xi Xinping po vepronte si “një bullizues për shkak të pasigurive të tij”.
Pelosi këmbëngul se nuk kishte “asgjë përçarëse” në lidhje me vizitën, duke deklaruar se udhëtimi ishte në përputhje me politikën e SHBA-së për ruajtjen e status quo-së. Megjithatë, ajo këmbënguli gjithashtu se ishte e rëndësishme t’i bëhej me dije Kinës se Uashingtoni do të mbështeste Taipein sipas Aktit të Marrëdhënieve me Tajvanin, ndërkohë që në të njëjtën kohë do t’i përmbahej politikës “Një Kinë”.
Kur u pyet nëse “vizita simbolike” minon përpjekjet e vazhdueshme të Shtëpisë së Bardhë për të punuar me Kinën për të trajtuar çështjet gjeopolitike dhe klimatike, Pelosi tha se udhëtimi ishte “shumë thelbësor për ne, që ne të dëgjojmë njerëzit në rajon për axhendën tonë të plotë.” Ajo theksoi më tej se ishte e rëndësishme që Tajvani të dijë se SHBA nuk do ta braktisë atë nga frika se “Kina mund të veprojë”.
Kujtojmë se udhëtimi i Pelosit javën e kaluar shkaktoi një reagim të fortë nga Pekini, i cili filloi stërvitjet ushtarake “të paprecedenta” në gjashtë zona detare rreth Tajvanit.
Pekini ka sanksionuar gjithashtu Pelosin dhe familjen e saj, ka futur kufizime tregtare në Taipei dhe ka ndërprerë ndërveprimet diplomatike me SHBA-në për një sërë çështjesh ushtarake dhe civile. Pelosi ishte zyrtarja më të lartë e SHBA-së që viziton Tajvanin që nga viti 1997, gjë që Kina e ka konsideruar si Provokim.
