Autori me origjinë indiane Salman Rushdie ndodhet në gjendje të rëndë. Agjenti i tij Andreë Wylie ka thënë për mediet se “lajmi nuk është i mirë” kur doli të informonte gazetarët për gjendjen e novelistit.
Rushdie u sulmua në skenë dhe tani sipas agjentit të tij është në një ventilator dhe nuk mund të flasë, madje mund të humbasë njërin sy.
Salman Rushdie ka marrë për vite të tëra kërcënimesh me vdekje pas shkrimit të librit “The Satanic Verses”, botuar në 1988.
Policia arrestoi një të dyshuar të quajtur Hadi Matar, 24 vjeç, nga Fairvieë, New Jersey.
Policia e Shtetit të Nju Jorkut tha se i dyshuari doli në skenë dhe sulmoi zotin Rushdie dhe një intervistues në Institutin Chautauqua.
Rushdie u godit me thikë të paktën një herë në qafë dhe në bark, thanë autoritetet. Ai u dërgua në një spital në Erie, Pensilvani, me helikopter.
“Salman ka të ngjarë të humbasë njërin sy; nervat në krahun e tij janë prerë; dhe mëlçia e tij është goditur me thikë dhe dëmtua.”- tha agjenti i tij sipas BBC-së.
Asnjë motiv apo akuzë nuk është konfirmuar ende nga policia, e cila është në proces të marrjes së urdhrave të kontrollit për të ekzaminuar një çantë shpine dhe pajisje elektronike të gjetura në qendër.
Policia tha në një konferencë për shtyp se stafi dhe anëtarët e audiencës kishin ndaluar sulmuesin dhe e kishin neutralizuar në tokë, dhe më pas ai ishte arrestuar. Një mjek që ishte i pranishëm në event i dha zotit Rushdie ndihmën e parë.
Intervistuesi që ishte me zotin Rushdie, Henry Reese, gjithashtu pësoi një lëndim të lehtë në kokë dhe u dërgua në një spital lokal. Reese është bashkëthemelues i një organizate jofitimprurëse që ofron strehim për shkrimtarët e mërguar nën kërcënimin e persekutimit.
Linda Abrams, një dëshmitare nga qyteti i Buffalo, i tha New York Times se sulmuesi vazhdoi të përpiqej të sulmonte shkrimtarin edhe pasi ai u ndalua nga qytetarët.
“U deshën pesë burra për ta tërhequr atë dhe ai ende po godiste me thikë.”– tha zonja Abrams. “Ai ishte thjesht i tërbuar, i tërbuar. Shumë i fortë dhe thjesht i shpejtë.”
Romancieri me origjinë indiane Salman Rushdie mori famë me Midnight’s Children në 1981, i cili vazhdoi të shiti mbi një milion kopje vetëm në Mbretërinë e Bashkuar.
Por libri i tij i katërt, i botuar në vitin 1988 “Vargjet Satanike” e detyroi atë të fshihej për gati 10 vjet.
Romani surrealist, post-modern ngjalli zemërim tek disa myslimanë, të cilët e konsideruan përmbajtjen e tij si blasfemuese – fyese për një fe apo zot – dhe libri u ndalua në disa vende.
Kujtojmë se disa njerëz u vranë në protestat anti-Rushdie në Indi dhe në Iran u godit me gurë ambasada britanike në kryeqytetin Teheran.
Në vitin 1991, një përkthyes japonez i librit u vra me thikë, ndërsa disa muaj më vonë, një përkthyes italian u godit gjithashtu me thikë por shpëtoi. Me thikë u godit dhe botuesi norvegjez i librit, Ëilliam Nygaard, por edhe ai mbijetoi.
