Supermodelja amerikane me origjinë palestineze, Bella Hadid, ka zbuluar se mbështetja e saj e vazhdueshme për kauzën palestineze i ka kushtuar ‘shumë vende’ pune.
Kompanitë ndaluan së punuari me të për këtë çështje, i tha Hadid gazetares libiano-amerikan, Noor Tagouri, në podkastin e saj ‘Rep’ në fillim të kësaj jave.
“Unë vërtet besoj se nëse do filloja të flisja për Palestinën, kur isha 20 vjeç, nuk do të kisha marrë njohjen dhe respektin që kam tani.” – tha Hadid, e cila tani është 25 vjeç. Së bashku me motrën e saj Gigi, gjithashtu supermodele, Bella njihet si një nga mbështetësit më të zëshëm të Palestinës.
“Kisha kaq shumë kompani që ndaluan së punuari me mua.” – i tha ajo Tagouri, pa përmendur ndonjë firmë specifike. Në prill, supermodelja tha gjithashtu se ajo ishte e ndaluar nga Instagrami për shkak të aktivizmit të saj palestinez.
“Kur postoj për Palestinën, unë ndalohem menjëherë në hije dhe pothuajse 1 milion më pak nga ndjekësit e mi i shohin story-t dhe postimet e mia.” – shkroi ajo në atë kohë.
Në një intervistë të veçantë me revistën GQ të martën, Hadid tha se ajo nuk kishte frikë se do humbiste punën e saj dhe do braktiste krejtësisht karrierën e saj të modelimit nëse kjo ishte kostoja e mbështetjes së saj të vazhdueshme për kauzën palestineze.
“Jam shumë me fat dhe e bekuar që jam në një pozicion ku mund të flas, ashtu siç bëj. Dhe me të vërtetë, çfarë është rënia? Që të humbas punën? E kuptova se nuk jam në këtë tokë për të qenë modele.” – shtoi Hadid.
Në mars, Revista Vogue redaktoi një rresht për Palestinën nga një shkrim në lidhje me një postim në Instagram nga motra e saj, Gigi, ku ajo krahasoi konfliktin e vazhdueshëm në Ukrainë me vuajtjet e palestinezëve.
Teksa shkrimi u nxit në Instagram, ai u prit me një breshëri kritikash nga njerëzit që akuzonin revistën se kishte dhënë një platformë për pikëpamje ‘shumë ofenduese’. Vogue hoqi të gjitha përmendjet e Palestinës nga postimi i saj në Instagram dhe shkrimi origjinal të nesërmen.
Disa aktorë, duke përfshirë Mark Ruffalo dhe Emma Watson, të cilët kanë folur në mbështetje të palestinezëve, u desh të kërkonin falje më vonë mes akuzave për antisemitizëm.
