Kim Yo Jong, motra e liderit të Koresë së Veriut Kim Jong-un dhe një zyrtar e lartë në partinë në pushtet të vendit, ka hedhur poshtë një propozim për ndihmë ekonomike nga Seuli në këmbim të braktisjes së arsenalit të tij bërthamor, duke e quajtur idenë një ‘ëndërr absurde’.
Kim bëri një denoncim të presidentit të Koresë së Jugut, Yoon Suk Yeol në komentet e bëra nga media shtetërore të enjten, duke e kritikuar atë për një fjalim të fundit që shënoi fundin e pushtimit japonez të gadishullit në vitin 1945, në të cilin ai sugjeroi gjithashtu një plan ‘të guximshëm’ për ‘denuklearizimin’ e Koresë së Veriut.
“Do të kishte qenë më e favorshme që ai të mbyllte gojën, në vend që të fliste marrëzi pasi nuk kishte asgjë më të mirë për të thënë.” – tha ajo, duke shtuar.
Kim vazhdoi të akuzonte Yoon për ‘nxitje të përplasjeve midis sistemeve’ në fjalimin e tij në Ditën e Çlirimit, duke përmendur vërejtjet negative për komunizmin nga lideri dhe këmbënguli se oferta e Yoon ishte thjesht një ripërsëritje e një propozimi nga ish-presidenti Lee Myung-bak gjatë mandatit të tij midis 2008 dhe 2013.
Oferta e Seulit do kishte përfshirë ndihma ushqimore në shkallë të gjerë dhe financim për zhvillimin e rrjetit të energjisë elektrike dhe infrastrukturës së shpërndarjes së Koresë së Veriut, si dhe projekte për të modernizuar portet detare dhe aeroportet për të lehtësuar tregtinë, sipas Yoon.
