Qindra qytetarë marshuan drejt Ministrisë greke të Financave për të protestuar ndaj çmimeve në rritje. Punëtorë, studentë e pensionistë demonstruan në Athinë kundër rritjes së çmimeve.
Ata kishin në duar pankarta të ndryshme ndërsa brohorisnin parrulla teksa marshonin në rrugë.
Ndërkohë në Selanik protesta e studentëve kundër Njësisë së Policisë Universitare të sapoformuar është kthyer e dhunshme.
Policia ka përdorur gaz lotsjellës e makinat ujëhedhëse për të shpërndarë studentët.
Demonstruesit marshuan, brohoritën, dogjën kazanët e plehrave dhe hodhën objekte ndaj policisë.
