Një autostradë në Florida u bllokua të mërkurën nga mijëra kanaçe birre të cilat u derdhën mbi asfalt, pas një përplasjeje ku u përfshinë pesë kamionë gjysmërimorkio.
Të gjitha korsitë u mbyllën pasi gjysmërimorkio që mbante birrën u përplas me kamionët e parkuar në anë të rrugës.
Pamjet nga vendngjarja tregojnë aq shumë kuti dhe kanaçe birre të derdhura, saqë rruga mezi shihet.
A Florida highway was temporarily closed after a semitrailer carrying cases of Coors Light crashed and turned the roadway into a silver sea of beer cans. https://t.co/7HMhhXKa8l pic.twitter.com/pay87q9grL
— ABC News (@ABC) September 22, 2022
Si ndodhi aksidenti?
Sipas Tampa Bay Times, dy gjysmërimorkio u përplasën në autostradën e ngarkuar të mërkurën në mëngjes dhe u përmbysën.
Dy gjysmërimorkio të tjera u tërhoqën dhe ndaluan për të ndihmuar, po ashtu një kamionçinë. Por një gjysmërimorkio e pestë – ajo që mbante birrën nuk ndaloi dot në kohë dhe u përplas me automjetet e parkuara.
Përveç birrës, në të gjithë rrugën është derdhur edhe betoni i transportuar nga një prej kamionëve. Nga aksidenti u raportuan vetëm lëndime të lehta.
Autostrada përfundimisht u rihap disa orë më vonë.
