Ish-ministri i Brendshëm, Samir Tahiri është protragonist i një dokumentari të ri të medieve italiane kushtuar trafikut të drogës dhe mafies shqiptare.
Dokumentari i titulluar ‘I Narcos Albanesi’ që do të publikohet mbrëmjen e sotme në Canale 9, jep rrëfime të Tahirit pak para se të dënohej me 3 vite e 4 muaj burg, gjatë një bashkëbisedimi të realizuar në një bar të Tiranës. Tahiri mohonte akuzat për lidhjen e tij me trafikun e drogës dhe korrupsion.
“Po sikur të isha i korruptuar? Unë nuk do të vija në Itali për të kërkuar nga Guardia di Finanza të dyfishojnë monitorimet për territorin. I kërkova të gjitha vendeve europiane të na ndihmojnë të luftojmë trafikun e drogës.”– është shprehur ai, citon Domani.it.
Më pas në një fragment tjetër, ai thotë: “Mua më vunë bombat dhe një gjë e tillë nuk ka ndodhur kurrë në Shqipëri, marijuana nuk është histori kriminelësh, por varfërie.”
ARTIKULLI:
“Nëse do të isha i korruptuar? Unë nuk kam ardhur në Itali për të kërkuar nga Guardia di Finanza të dyfishojë mbikalimet për të monitoruar territorin. I kërkova të gjitha vendeve evropiane të na ndihmojnë të luftojmë trafikun e drogës.”- tha ish-ministri i Brendshëm shqiptar Saimir Tahiri pak ditë para arrestimit të tij.
Ai flet ekskluzivisht në investigimin ‘The Albanian Narcos’ që do të transmetohet të shtunën e 24 shtatorit në Nine, në orën 21:25, me historinë e Nello Trocchia-s.
“Më vunë bombat dhe një gjë e tillë nuk ka ndodhur kurrë në Shqipëri, marijuana nuk është histori kriminelësh, por varfërie.”- thotë Tahiri në dokumentarin e realizuar nga Carmen Vogani, Lorenzo Giroffi (regjisor) dhe Marco Carta.
Tahiri, pak ditë pas intervistës, përfundon në burg pasi dënohet për shpërdorim detyre me 3 vite e 4 muaj, i akuzuar për lidhje me një grup kriminal të lidhur me trafikimin e marijuanës drejt Italisë.
Ish-ministri i qeverisë së kryeministrit socialist Edi Ramës, në detyrë deri në mars 2017, ishte i përfshirë në hetimet e zhvilluara në Itali, të cilat çuan në tetor të po këtij viti, në çmontimin e një organizate kriminale të përbërë nga italianë dhe shqiptarë të angazhuar në trafikun ndërkombëtar të drogës dhe armëve.
Tahiri dyshohet se kishte lidhje me dy anëtarë të organizatës, vëllezërit Moisi dhe Florian Habilaj, i pari i arrestuar në Itali. Habilajt janë të afërm të ish-ministrit, emri i të cilit ka dalë disa herë në përgjimet e kryera nga hetuesit italianë. Në maj 2018, Tahiri dha dorëheqjen nga mandati i deputetit, duke përfunduar menjëherë në arrest shtëpie, për t’u hetuar në liri. Avokati i tij Maksim Haxhia e quajti skandaloz dënimin duke njoftuar se do ta ankimonte vendimin.
MAFIA SHQIPTARE
Ish-ministri, tashmë në burg, flet për pagat që trafikantët e drogës u garantojnë fermerëve, 5000 euro në vit vetëm për të rritur marijuanën në fushat e shndërruara në plantacione, para që në Shqipëri përfaqësojnë një shumë të madhe.
Kështu trafikantët arritën të rrisin prodhimin dhe të bëhen në këtë sektor ndër eksportuesit e parë në arenën kriminale ndërkombëtare.
Mafia shqiptare e filloi ngritjen e saj të pandalshme në vitet nëntëdhjetë me sulme ndaj sendeve me vlerë, vjedhje në apartamente, grabitje në vila derisa u kthye në trafikimin e qenieve njerëzore dhe menaxhoi biznesin e madh të prostitucionit.
Njëra prej viktimave flet në dokumentar dhe tregon dhunën, abuzimin, vrasjen e familjarëve për shkak të guximit të denoncimit. Origjina e malas shqiptare është si mbështetje për organizatat kriminale italiane që kanë përdorur fuqinë punëtore shqiptare për të drejtuar furgona, për kontrabandë deri në marrëveshjet e trafikut të drogës.
Që nga vitet nëntëdhjetë, mafia e Foggia-s ka biseduar me atë shqiptare dhe përdor tarifat e përballueshme që ofrohen për transportin e drogës, por edhe për të vrarë rivalët.
“Nëse bën një punë normale duke punuar shumë mund të fitosh deri në 300 euro në muaj, por duke qenë kriminel mund të fitosh të njëjtën shumë në një minutë. Ja pse shumë të rinj tërhiqen nga kjo jetë, jeta e kësaj bote, gjithmonë paraja dhe pushteti.”- thotë një ish-trafikant droge.
Trafikantët shqiptarë të drogës janë të armatosur deri në dhëmbë dhe të pamëshirshëm me këdo që përpiqet t’i ndalojë, prej vitesh janë konsideruar si kriminelë të dorës së dytë, por përmes lidhjes së përkatësisë dhe besnikërisë kanë arritur të rekrutojnë një ushtri besnikësh.
Besnik që merren me menaxhimin, ruajtjen dhe kontrollin e porteve në të gjithë Evropën ku kalon ari i shekullit: kokaina. Mafia shqiptare ka çifligjet në Shqipëri, qendrën e pushtetit, por tashmë ka sjellë luftën për drogën në Ekuador. Trafikantët shqiptarë të drogës bëjnë biznes në Evropë, kanë pothuajse monopolin e trafikut të marijuanës, janë ngjitur në piramidën kriminale me prita dhe duke mbjellë terror.
