Presidenti ukrainas Vladimir Zelensky kundërshtoi me vendosmëri referendumet e organizuara nga Moska në pjesët e rajoneve Zaporozhye e Kherson të Ukrainës, si dhe në Republikat Popullore të Lugansk (LPR) dhe Donetsk (DPR), për bashkimin me Rusinë.
Duke folur gjatë një takimi të Këshillit të Sigurimit të OKB-së përmes një lidhjeje video të martën, ai u kërkoi vendeve të botës të kundërshtojnë rezultatet. Zelensky gjithashtu përsëriti kërcënimin e tij për të ndaluar çdo kontakt me Rusinë nëse ajo njeh rezultatet e referendumeve.
“Njohja nga Rusia e këtyre pseudo-referendumeve si normale, zbatimi i të ashtuquajturit ‘skenari i Krimesë’ tani, një përpjekje tjetër për të aneksuar territorin ukrainas, do të thotë se ne nuk do kemi asgjë për të folur me presidentin rus.”
Zelensky tha, duke i bërë thirrje ‘çdo vendi në botë’ të dërgojë një mesazh të fortë kundër veprimeve të Rusisë.
Referendumet u zhvilluan në territoret e kontrolluara nga Rusia në juglindje të Ukrainës dhe republikat e Donbass gjatë pesë ditëve të fundit. Ideja e bashkimit me Rusinë është mbështetur në masë të madhe nga popullsia vendase, sipas rezultateve zyrtare të shpallura vonë të martën, pretendon Moska zyrtare.
