NATO ka konfirmuar se u qëndron planeve për stërvitjen e saj vjetore bërthamore, edhe pse konflikti i përshkallëzuar Rusi-Ukrainë nxit frikën e një përplasjeje të drejtpërdrejtë dhe katastrofik midis Moskës dhe bllokut ushtarak perëndimor.
“Kjo është stërvitje rutinë, që ndodh çdo vit, për të mbajtur aftësitë tona të sigurta dhe efektive.” – u tha gazetarëve të martën sekretari i përgjithshëm i NATO-s, Jens Stoltenberg. Stërvitja do mbahet javën e ardhshme.
Zakonisht bashkon dhjetëra avionë nga vendet anëtare dhe praktikon një mision sulmi bërthamor.
Presidenti amerikan Joe Biden paralajmëroi javën e kaluar se Rusia dhe Perëndimi përballen me një kërcënim më të madh ndonjëherë të “Armagedonit” bërthamor që nga kriza e raketave kubane 40 vjet më parë.
Presidenti Vladimir Putin është zotuar se Rusia do të përdorë ‘të gjitha mjetet në dispozicion’ për të mbrojtur popullin dhe territorin e saj, një deklaratë që Uashingtoni dhe aleatët e tij të NATO-s e kanë interpretuar si një kërcënim për përdorimin vendosjen e armëve bërthamore.
