Hakerët e huaj dyshohet se kanë shtënë në dorë një vit ‘diskutime sekrete’ të ish-kryeministres britanike Liz Truss, sipas Mail on Sunday.
Shkelja e sigurisë supozohet se u zbulua verën kur Sekretarja e Jashtme e atëhershme Truss po luftonte për të marrë në dorë udhëheqjen konservatore dhe bëri që Boris Johnson, kryeministri në atë kohë, të urdhëronte një ndërprerje të plotë të dhënies së informatave medias për shkak të ndjeshmërisë së çështjes.
Mesazhet e marra nga hakerët thuhet se përfshinin ‘diskutimet tejet sekrete të Truss me ministra të Jashtëm të vendeve të huaja rreth luftës në Ukrainë, duke përfshirë diskutime të hollësishme rreth dërgesave të armëve’, sipas gazetës.
Ndërsa hollësitë e hakerimit mbeten të paqarta, autorët besohet se kanë shkarkuar regjistrime për një periudhë rredh njëvjeçare, duke përfshirë biseda private në të cilat Truss dhe aleati i saj politik Këasi Këarteng kritikuan Johnson.
Raporti fajësoi aktorët shtetërorë të huaj që ‘supozohet se po punojnë për Rusinë e Vladimir Putinit’, megjithëse një ekspert kibernetik i cituar nga gazeta përmendi gjithashtu të dyshuar të tjerë të zakonshëm si ‘Kina, Koreja e Veriut dhe Irani, të cilët do të kishin interes të madh të dinin se çfarë bisedon Sekretarja e Jashtme’.
Truss zëvendësoi Johnson si udhëheqëse e konservatorëve dhe u bë kryeministre më 6 shtator, për të dhënë dorëheqjen 45 ditë më vonë, duke u bërë kryeministri me mandatin më të shkurtër në historinë e Mbretërisë së Bashkuar.
