Rusia i percepton përgatitjet ushtarake të Norvegjisë pranë kufijve të saj si një kurs për përshkallëzimin e tensioneve në rajon.
Këtë qëndrim mbajti në një konferencë për mediet të mërkurën zëdhënësja e Ministrisë së Jashtme ruse, Maria Zakharova.
“Bazat ushtarake të huaja në fakt u shfaqën në Norvegji në baza të përhershme. Infrastruktura përkatëse është modernizuar, pajisjet moderne po blihen dhe Oslo është tani ndër mbështetësit më aktivë të përfshirjes së NATO-s në Arktik.”– tha ajo sipas TASS.
Diplomatja vazhdoi: “Ne e konsiderojmë të tilla zhvillime pranë kufijve rusë si ndjekje e qëllimshme e Oslos për një kurs shkatërrues drejt përshkallëzimit të tensioneve në rajonin euro-arktik dhe shkatërrimit përfundimtar të marrëdhënieve ruso-norvegjeze”.
Zakharova shtoi se kjo nuk ishte zgjedhja e Moskës.
“Rusia është gjithmonë e hapur për dialog të ndershëm dhe të respektueshëm reciprok, por çdo veprim jomiqësor do të pasohet nga një përgjigje në kohë dhe adekuate.”– tha diplomatja.
