Ambasadorja amerikane Yuri Kim ka vizituar sot ambientet e Prokurorisë së Posaçme SPAK, ku është takuar me kreun e saj Arben Krajën.
Ndërsa publikon disa foto nga ky takim, ambasadorja Kim shkruan se SPAK është i përqendruar pavarësisht kërcënimeve.
“Takova në SPAK Arben Krajën dhe prokurorët për të ritheksuar mbështetjen për punën e tyre të rëndësishme. Pavarësisht kërcënimeve dhe tentativave për nxitje, SPAK është i përqendruar në ofrimin e më shumë rezultateve, që tregojnë se askush, pavarësisht gradës apo pasurisë nuk është mbi ligjin. Jo më pandëshkueshmëri.”– shkruan ambasadorja e SHBA-ve.
Ditën e sotme ishte afati i fundit i dorëzimit të kandidaturave për kreun e SPAK-ut, pas mbarimit të mandatit të Krajës.
1/2 Met @SPAK_Albania @KrajaArben1 & prosecutors to reiterate 🇺🇸 support for their important work. Despite threats & attempted inducements, SPAK is focused on delivering more & more results that show no one – no matter their rank or wealth – is above the law. No more impunity. pic.twitter.com/VqVy8TKVqE
— Ambassador Yuri Kim (@USAmbAlbania) November 3, 2022
