Presidenti i SHBA-së Joe Biden ka njoftuar nisjen e e një Fondi të Barazisë Gjinore të Klimës për të nxitur femrat që do jenë ‘udhëheqëse të luftës kundër ndryshimeve klimatike’. Ai e zbuloi nismën e re në konferencën COP 27 të Kombeve të Bashkuara të premten.
Një bashkëpunim mes kompanisë së shitjes me pakicë në internet Amazon dhe agjencisë qeveritare USAID, fondi do ‘shfrytëzojë kontributet e sektorit privat për t’u ofruar grave udhëheqëse të klimës aftësi teknike, rrjete dhe kapital për të zhvilluar dhe shkallëzuar zgjidhjet klimatike’ vuri në dukje Shtëpia e Bardhë në një deklaratë.
Për të ndihmuar në zgjidhjen e ndryshimeve klimatike, sipas zëvendëspresidentes së Amazon në mbarë botën për qëndrueshmërinë, Kara Hurst, ‘ne duhet të adresojmë pabarazitë gjinore që vazhdojnë në financimin e klimës dhe të sigurojmë që sipërmarrëset femra të kenë një vend të barabartë në tryezë dhe qasje në financim, rrjete dhe mbështetje teknike’.
Duke përshkruar peshën e pabarazisë gjinore në hapësirën klimatike, Amazon zbuloi se ‘kompanitë e themeluara nga femrat zakonisht marrin një pjesë të kapitalit total sipërmarrës dhe kjo përqindje ra gjatë pandemisë’.
Gjiganti i blerjeve në internet, i cili pa fitimet e tij të rriteshin në qiell gjatë pandemisë, premtoi të furnizonte një shtesë prej 50 milionë dollarësh nga Fondi i Premtimit të Klimës për investime në firmat e teknologjisë klimatike të themeluara dhe të udhëhequra nga gratë. Përveç kësaj, ajo po kontribuon me 3 milionë dollarë në financimin fillestar të Fondit të Barazisë Gjinore të Klimës.
