Takimi i paparalajmëruar i spiunëve kryesorë rusë dhe amerikanë në Ankara kishte për qëllim të ruante dialogun midis dy fuqive, tha të martën për mediat amerikane zëdhënësi i Këshillit të Sigurisë Kombëtare të SHBA, John Kirby.
Duke folur për Bloomberg, Kirby iu kërkua të komentonte mbi bisedimet në kryeqytetin e Turqisë, të cilat përfshinin Sergey Naryshkin, drejtor i Shërbimit të Inteligjencës së Jashtme të Rusisë (SVR) dhe drejtorin e CIA-s, Bill Burns.
“Kjo kishte të bënte me mbajtjen e kanaleve të komunikimit me Rusinë për çështje që prekin të ardhmen e sigurisë sonë.” – tha zyrtari, duke shtuar se takimi i Burns me Naryshkin ishte ‘i gjithi për kanalet rutinë të komunikimit’ që Uashingtoni ka me Moskën në nivele të ndryshme.
Kirby vuri në dukje se javët e fundit Sekretari amerikan i Mbrojtjes Lloyd Austin dhe shefi i Shtabit të Ushtrisë Mark Milley folën me homologët e tyre përkatës rusë.
Në të njëjtën kohë, Kirby nuk tha nëse palët diskutuan për qytetarët amerikanë që aktualisht ndodhen në paraburgimin rus, duke theksuar se ai nuk ishte i pranishëm në takim.
“Qëllimi kryesor ishte të flitej për çështjet rreth stabilitetit strategjik.” – tha ai.
Në fillim të këtij muaji, The Ëall Street Journal raportoi se Këshilltari i Sigurisë Kombëtare i SHBA-së, Jake Sullivan, zhvilloi negociata prapa skenave me zyrtarë të lartë rusë për të ulur mundësitë për një konflikt më të gjerë mbi Ukrainën.
Në atë kohë, sekretari i shtypit i Kremlinit Dmitry Peskov tha se Rusia nuk kishte asgjë për të thënë në lidhje me raportin, duke shtuar se ‘gazetat anglo-saksone publikojnë shumë histori mashtrimi’.
