Një tërmet ka goditur ishullin kryesor indonezian Java, duke lënë të paktën 56 persona të vdekur dhe qindra të plagosur.
BBC shkruan se tërmeti me magnitudë 5.6 goditi qytetin Cianjur në pjesën perëndimore të ishullit, në një thellësi të cekët prej 10 km, sipas të dhënave të Shërbimit Gjeologjik të SHBA.
Videot në mediat sociale treguan se disa ndërtesa janë kthyer pothuajse tërësisht në rrënoja dhe mbeturina të shpërndara në rrugë.
At least 56 people have been killed following an earthquake in Indonesia, West Java governor Ridwan Kamil has confirmed.
Read more here: https://t.co/7hAAEagbcP pic.twitter.com/KgIqGWTKWo
— Sky News (@SkyNews) November 21, 2022
Zyrtarët paralajmërojnë për pasgoditje të mundshme dhe thonë se numri i të vdekurve mund të rritet.
Zona ku goditi tërmeti është me popullsi të dendur dhe të prirur për rrëshqitje dheu, me shtëpi të ndërtuara keq. Ekipet e shpëtimit janë përpjekur të evakuojnë njerëzit nga ndërtesat e shembura dhe kanë arritur të shpëtojnë një grua dhe foshnjën e saj.
Guvernatori i Java-s Perëndimore Ridëan Kamil konfirmoi për mediat lokale se 56 persona kishin vdekur dhe më shumë se 700 u plagosën.
Ai tha se numri i të plagosurve dhe viktimave ka të ngjarë të rritet sepse ka “shumë njerëz” ende të bllokuar në rrënoja.
Më herët Herman Suherman, kreu i administratës në qytetin Cianjur, u citua nga agjencia e lajmeve AFP të ketë thënë se shumica e të lënduarve kishin pësuar fraktura të kockave.
“Ambulancat vazhdojnë të vijnë nga fshatrat në spital.”– tha ai. “Ka shumë familje në fshatra që nuk janë evakuuar.”
Suherman tha se nevojiteshin më shumë punonjës shëndetësorë për t’u marrë me numrin el artë të pacientëve dhe se energjia elektrike në zonë ishte shkëputur, duke i lënë mjekët në spitalin kryesor të paaftë për të operuar pacientët.
