Portugalia fitoi ndaj Ganës me rezultatin 3-2, duke siguruar tri pikët e para në grup.
Portugalia dhe Gana luajtën në “Stadium 974” sfidën e vlefshme për Grupin H të Botërorit të Katarit.
Në minutën e 64-t, Cristiano Ronaldo fiton një penallti, të cilën e ekzekuton vetë, duke zhbllokuar rezultatin, 1-0 për Portugalinë.
Gana reagon mjaft shpejt dhe në të 73’ Ayew barazon shifrat 1-1.
Por, sërish Portugalia rikthen avantazhin, madje duke realizuar dy herë radhazi.
Në minutën e 78-të Joao Felix kalon portugezët në avantazh 2-1, ndërsa për të tretin mendon Rafael Leao (80’).
Gana shkurton diferencën e golave në 3-2 me anë të Bukari (89’), por që i vlen sa për të vulosur rezultatin përfundimtar 3-2.
