Aktori i ‘Squid Game’ O Yeong-su është paditur me akuza për sjellje të pahijshme seksuale, raportuan mediat koreane të premten. Policia më herët e mbylli çështjen kundër tij, por akuzuesja e tij ende këmbëngul se ajo ishte prekur në mënyrë të papërshtatshme nga O.
Ai u padit për një incident që dyshohet se ka ndodhur në vitin 2017, sipas agjencisë koreane të lajmeve Yonhap.
Policia tashmë ka hapur një hetim për incidentin dhjetorin e kaluar, por e mbylli atë pa ngritur akuza në prill. Prokurorët rihapën çështjen me kërkesë të viktimës së supozuar, shpjegoi agjencia e lajmeve, duke cituar zyrtarë gjyqësorë.
O mohon çdo akuzë ndaj tij.
“Unë thjesht e mbajta për dore për ta drejtuar në rrugën rreth liqenit. Kërkova ndjesë për këtë gjë sepse ajo tha se nuk inatosej, por kjo nuk do të thotë se i pranoj akuzat.” – tha ai në një deklaratë, duke iu referuar viktimës së supozuar.
‘Squid Game’ ishte një sukses i jashtëzakonshëm në Netflix, duke tërhequr më shumë se 111 milionë shikues në mbarë botën në muajin e parë.
Seriali, i cili përshkruan koreanët e shtypur duke luajtur versione për jetë a vdekje të lojërave të fëmijëve kundër njëri-tjetrit për para, është rinovuar për një sezon të dytë.
O fitoi çmimin si aktori më i mirë dytësor në Golden Globe Aëards 2022 për rolin e tij në serial, duke u bërë fituesi i parë me origjinë koreane i çmimit.
