Një top metalik 800 kilogramësh i ngarkuar me 230 litra xhin të klasit të lartë është vjedhur me sa duket nga shtrati i liqenit të Konstancës në Zvicër, u thanë gazetarëve të mërkurën distiluesit e tij.
Para se të hidhet në shishe dhe të shitet, ‘Ginial’s Lake Constance Gin’ derdhet në një top gjigant çeliku dhe ulet në fund të liqenit, ku qëndron për 100 ditë. Distileri Cello Fisch u tha gazetarëve të mërkurën se kompania e tij e bën këtë për të mbushur pijen me aromën e liqenit, i famshëm për ujërat e tij të pastër dhe florën unike.
Kur ekipi i Fisch-it doli për të marrë grupin e tyre të fundit të mërkurën e kaluar, zhytësi i tyre nuk gjeti asgjë. Pas tre zhytjesh, ‘xhini nuk gjendej askund’, tha Fisch në një konferencë shtypi, sipas faqes zvicerane të lajmeve Blick.
Zhytësit iu bashkuan kërkimit të nesërmen, ashtu si edhe oficerët e policisë. Megjithatë, rruzulli gjigant nuk gjendej askund. Për të siguruar që ai të qëndronte në vend për 100 ditë, Ginial kishte bashkuar një jastëk betoni 500 kilogramësh në sferën e madhe. Prandaj, ngritja e tij do kërkonte pajisje të rënda.
“Ata ishin profesionistë absolut.” – tha Fisch, duke iu referuar hajdutëve të panjohur.
Ai shtoi se shumica e 395 shisheve me xhin të future në top ishin shitur paraprakisht dhe se kompania e tij kishte përgatitur tashmë çanta dhe etiketa të bëra me dorë për secilën shishe. Ai tha se ‘Ginial’ do t’u ofronte këtyre klientëve mundësinë për të blerë shishen dhe qesen e tyre me çmimin e kostos.
Çdo shishe me xhin të liqenit Constance do shitej me pakicë për 99 franga zvicerane (106 dollarë), që do të thotë se topi përmbante pije alkoolike me vlerë gati 42,000 dollarë.
