Papa Françesku kritikoi disa nga burokratët e Vatikanit të enjten, duke paralajmëruar kongregacionin në Selinë e Shenjtë për djallin që fshihet mes tyre — ose një “demoni elegant” që vepron te njerëzit që kanë një mënyrë jetese të ngurtë dhe më të shenjtë se ti.
Françesku përdori urimin e tij vjetor të Krishtlindjeve drejtuar Kurisë Romake për t’i vënë përsëri në dijeni kardinalëve, peshkopëve dhe priftërinjve që punojnë në Vatikan se ata nuk janë aspak për t’u qortuar dhe në fakt, janë veçanërisht të prekshëm nga e keqja.
Françesku u tha atyre se duke jetuar në zemër të Kishës Katolike, “ne mund të biem lehtësisht në tundimin e të menduarit se jemi të sigurt, më mirë se të tjerët, nuk kemi më nevojë për konvertim”.
“Megjithatë ne jemi në rrezik më të madh se të gjithë të tjerët, sepse jemi të rrethuar nga ‘demoni elegant’, i cili nuk hyn me zë të lartë, por vjen me lule në dorë,” u tha Françesku kishtarëve në Sallën e Bekimeve të Pallatit Apostolik.
