Zyrtarët e zbatimit të ligjit në Ekaterinburg, qyteti i katërt më i madh në Rusi, kanë nisur një hetim penal për vrasjen e tmerrshme të tre fëmijëve, pasi raportet e mediave sugjerojnë se nëna e tyre kishte menduar se fëmijët e saj ishin të pushtuar nga demonët.
Komiteti Hetimor në qytetin e Ekaterinburgut tha se ata kanë hapur një çështje penale me arsyetimin e ‘vrasjes së dy ose më shumë të miturve’, sipas njoftimit për shtyp të departamentit të hënën.
Në kuadër të hetimeve, në vendngjarje janë nisur ekipe mjeko-ligjore dhe prokurorë, ndërsa po intervistohen fqinjët dhe pronarët e banesës ku ndodhën vrasjet. Policia po shkon derë më derë për të mësuar më shumë rreth ngjarjes dhe për të mësuar më shumë rreth familjes.
Disa media ruse kanë raportuar se 37-vjeçarja kishte probleme mendore. Një burim i tha Izvestia-s se ajo mund të ketë vendosur të mbyste fëmijët e saj, dy djem të moshës 10 e 15 vjeç, si dhe një vajzë 5 muajshe, duke besuar se ata ishin pushtuar nga demonët, gjë që ajo dyshohet se u kishte thënë të afërmve të saj më pare.
Policia thotë se do dalë me një deklaratë të plotë për ngjarjen pasi të përfundojë hetimin e versioneve të ndryshme të ngjarjes.
