Një vajzë 24-vjeçare e cila ishte anëtare e ekuipazhit të kabinës së Air Albania, besohet se ka ndërruar jetë pasi ka humbur ndjenjat gjatë një fluturimi për në aeroportin Stansted.
Shërbimi i Ambulancës Lindore të Anglisë NHS Trust konfirmoi se dy ambulanca, një automjet i ekipit të reagimit të zonës së rrezikshme, një automjet i ambulancës dhe Ambulanca ajrore Essex dhe Herts iu përgjigjën raportimeve se e reja ishte ndier keq në bordin e avionit të nisur nga Tirana.
Mediet britanike rapotojnë se avioni u ul rreth orës 13:00 të së mërkurës së 21 dhjetorit siç ishte planifikuar.
Shërbimi i ambulancës e dërgoi viktimën në spitalin Princess Alexandra në Harlow, por mediet raportojnë se ajo nuk ka shpëtuar.
Një zëdhënës i policisë së Essex tha: “Ne mbështetëm kolegët tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim për mirëqenien.”
Air Albania nuk ka bërë asnjë koment ende mbi ngjarjen.
