KFOR-i ka reaguar pas vendimit nga Serbia për heqjen e barrikadave në veri të Kosovës.
Në një njoftim për mediat, KFOR thekson se heqja e barrikadave duhet të bëhet shpejt dhe në mënyrë të sigurt, duke shmangur çdo lloj incidenti apo rreziku.
“KFOR-i mirëpret vendimin e mbrëmshëm për heqjen e barrikadave në veri të #Kosovës.
Heqja e barrikadave duhet të bëhet shpejt, në mënyrë të sigurt dhe të sigurt, duke shmangur çdo lloj incidenti apo rreziku.
Të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm. KFOR-i po monitoron nga afër zhvillimet. Ne mbetemi jashtëzakonisht vigjilentë dhe të gatshëm për të ndërhyrë, nëse është e nevojshme, në përputhje me mandatin tonë të bazuar në Rezolutën 1244 të 1999.”- thuhet në njoftim.
Për 20 ditë rresht rrugët kryesore në veri të Kosovës mbetën të bllokuara për qarkullim. Përveç veriut, më 27 dhjetor një barrikadë tjetër ishte vendosur në territorin e Serbisë, në afërsi të kufirit të Kosovës me Serbinë, në Merdare.
Barrikadat u ngritën në shenjë pakënaqësie me arrestimin e ish-policit serb të Kosovës, Dejan Pantiç, por kjo nxiti edhe më shumë tensionet mes të Kosovës dhe Serbisë.
