Kryeministri i Mbretërisë së Bashkuar Rishi Sunak u përkul para presionit të dielën duke shkarkuar ministrin e financave Nadhim Zahawi, i cili është përballur me kritika për marrëveshjet e tij të taksave personale, sipas CNN.
Sunak javën e kaluar urdhëroi këshilltarin e tij të etikës që të hetonte Zahawi pas pretendimeve se ai kishte paguar një gjobë si pjesë e një marrëveshjeje të raportuar prej 4.8 milionë paund (5.96 milionë dollarë) me zyrtarët tatimorë dhe se Zahawi nuk e kishte deklaruar mosmarrëveshjen me autoritetet tatimore.
Zahawi u emërua kancelar i thesarit – ministër i financave – nga ish-kryeministri Boris Johnson në korrik të vitit të kaluar. Ai mbeti në kabinet nën pasardhësin e Johnson Liz Truss dhe pasardhësin e saj, Sunak, i cili e bëri atë kryetar partie.
Në një letër drejtuar Zahawi, Sunak tha se, pasi hetimi përfundoi punën e tij, “është e qartë se ka pasur një shkelje të rëndë të Kodit Ministror”
“Si rezultat, ju kam informuar për vendimin tim për t’ju larguar nga posti juaj në Qeverinë e Madhërisë së Tij.”
Raportet për marrëveshjen shumë-milionëshe të Zahawi-t me zyrtarët e taksave tronditën britanikët, shumë prej të cilëve po luftojnë për të mbijetuar mes krizës së kostos së jetesës.
