Një bluzë e rrallë e Kobe Bryant do alë në ankand dhe mund të shitet deri në 7 milionë dollarë.
Një foto ikonë e Bryant-it duke rrëmbyer bluzën e tij pasi arriti një epërsi prej 14 pikësh kundër Denver Nuggets gjatë ndeshjes play-off të NBA-së së vitit 2008 është kapur dhe rikrijuar pafundësisht.
Këtë javë, Sotheby’s do nxjerrë në ankand bluzën e kapur në atë pamje, me një vlerë të vlerësuar tregu midis 5-7 milionë dollarë, bluza më e vlefshme e Bryant që është shfaqur ndonjëherë në ankand, sipas shtëpisë së ankandit.
Gjatë sezonit të tij 2007-2008, Bryant shënoi mesatarisht 28.3 pikë për ndeshje dhe shënoi 2323 pikë gjatë sezonit të rregullt, sipas NBA-së.
Bluza e nxjerrë në ankand është e vetmja që ai veshi në ndeshjet play-off tëvitit 2008-ës, ku ai udhëhoqi Lakers në finalet e NBA-së për herë të parë që kur Shaquille O’Neal u larguan nga ekipi, sipas Sotheby’s.
Fanella qëndron përpara dhe në qendër në ekspozitën e shtëpisë së ankandeve, e rrethuar nga kujtime të tjera të Bryant dhe fotografi të muraleve dhe pikturave të yllit të Lakers.
Ankandi do të zhvillohet menjëherë pas tre vjetorit të vdekjes së Bryant, ku ai dhe vajza e tij 13-vjeçare Gianna Maria Onore Bryant ishin mes nëntë personave të vrarë në një përplasje helikopteri në Calabasas, Kaliforni në janar 2020.
