Kreu i KQZ-së Ilirjan Celibashi gjatë bashkëbisedimit me gazetarët është pyetur edhe për aplikacionin e krijuar nga Partia Socialiste “Aktiv1sti”.
Celibashi u pyet nëse përbën shkelje të kodit zgjedhor ky aplikacion dhe mbi marrjen e masave.
Kreu i KQZ-së deklaroi se nuk ka asnjë denoncim apo ankim në KQZ dhe nëse do jetë objekt i shqyrtimit do të vlerësohet nëse përbën shkelje të ligjit apo jo.
“Në KQZ nuk është paraqitur asnjë denoncim, asnjë ankim në lidhje me këtë çështje. Natyrshëm nuk mund të them në këtë moment sa kohë nuk kam disponuar me vendimmarrje në lidhje me këtë çështje.
Nëse do jetë objekt i shqyrtimit kjo çështje në KQZ do ta vlerësojmë nëse ka shkelje të ligjit apo jo. Si për këtë rast, apo dhe për rastet e tjera, për sjelljet e partive politike dhe për sjelljen e institucioneve”, tha Celibashi.
