Një demonstratë kundër furnizimit të Ukrainës me armë për luftë me Rusinë tërhoqi 10,000 njerëz të shtunën, duke tërhequr kritika nga zyrtarët e lartë të qeverisë gjermane dhe një prani të madhe të policisë për të ruajtur rendin.
Organizuar nga një politikane e njohur gjermane e krahut të majtë, protesta vjen një ditë pas përvjetorit pushtimit rus të Ukrainës, i cili tërhoqi premtime për më shumë armë nga aleatët perëndimorë, sanksione të reja kundër Rusisë dhe shfaqje mbështetjeje për Kievin në të gjithë globin. .
“Ne i bëjmë thirrje kancelarit gjerman të ndalojë përshkallëzimin e dërgesave të armëve. Tani!…Sepse çdo ditë e humbur kushton deri në 1000 jetë të tjera – dhe na afron me një luftë të tretë botërore,” thanë organizatorët e protestës në faqen e tyre të internetit.
“Kryengritja për Paqe” u organizua pjesërisht nga Sahra Wagenknecht, një anëtare e partisë së majtë gjermane Die Linke.
Gjermania, së bashku me Shtetet e Bashkuara, ka qenë një nga furnizuesit më të mëdhenj të armëve për Ukrainën, shkruan Reuters.
“Negocio, jo përshkallëzo” thuhej në një tabelë të mbajtur nga një demonstrues, ndërsa një pankartë në turmë shkruhej “Jo lufta jonë”.
Një zëdhënës i policisë tha se 10,000 njerëz u mblodhën rreth portës simbolike të Brandenburgut në qendër të Berlinit.
Zëdhënësi i policisë tha se nuk kishte asnjë shenjë të pjesëmarrjes së grupeve të krahut të djathtë dhe se protesta, për të cilën ministri gjerman i Financave, Christian Lindner tha se duhet të ‘kundërshtohet qartë’, ishte paqësore.
“Kushdo që nuk i qëndron krah Ukrainës është në anën e gabuar të historisë”, shkroi Lindner në Twitter.
