Partneri i biznesit Hunter Biden po bashkëpunon me hetuesit e republikanëve të Kongresit GOP të Shtëpisë, ka thënë kreu i Komitetit të Mbikëqyrjes të Kongresit James Comer.
Në një intervistë me ‘Just The News’, Comer tha se avokatët e Eric Schwerin, një bashkëpunëtor biznesi i djalit të Presidentit Joe Biden, kanë qenë në komunikim me komitetin e Kongresit për dhënien e informacionit në lidhje me marrëdhëniet e tij të biznesit.
Kjo vjen pasi Comer dhe komiteti i udhëhequr nga republikanët kanë kërkuar të dhëna që kanë të bëjnë me marrëdhëniet e biznesit të huaj të familjes Biden dhe çështjet tatimore.
“Ai po bashkëpunon me ne. Avokatët e tij dhe avokati im po komunikojnë rregullisht,” tha Comer.
“Tani, ndihem i sigurt se ai do punojë me ne dhe do na japë informacionin që kemi kërkuar.”
Comer parashikoi se Schwerin “do të jetë një dëshmitar shumë i vlefshëm për ne në këtë hetim”.
Më 8 shkurt, Comer i kërkoi Schwerin-it në një letër të siguronte shënime për çdo komunikim që kishte me anëtarët e familjes Biden ose partnerë të tjerë të njohur të biznesit të familjes Biden. Comer dërgoi letra të ngjashme për Hunter Biden dhe James Biden, një nga vëllezërit e Joe Biden. Comer u kërkoi të tre marrësve të përgjigjen deri të mërkurën, 22 shkurt.
Lidhja e Schwerin me familjen Biden
Në nëntor, Comer dhe republikanët e tjerë të Komitetit të Mbikëqyrjes së Kongresit publikuan një raport që parashtronte pretendimet për tregtimin e ndikimit të huaj që përfshinte anëtarë të familjes Biden.
Sipas raportit, Schwerin dhe Hunter Biden ‘bënë referenca në rritje për Joe Biden’ gjatë komunikimit të tyre të biznesit dhe Schwerin kishte qasje të shpeshtë në Shtëpinë e Bardhë kur Joe Biden ishte zv.president gjatë administratës së Barack Obamës.
Shëerin dyshohet se e vizitoi Shtëpinë e Bardhë të paktën 27 herë midis 2009 dhe 2016. Në vitin 2015, Obama emëroi Schwerin për të shërbyer në Komisionin për Ruajtjen e Trashëgimisë Amerikane Jashtë.
Ish-gruaja e Hunter Biden tha se Schwerin ‘menaxhoi pothuajse çdo aspekt të jetës sonë financiare’.
Raporti hetimor i republikanëve ngriti pretendime se Schwerin gjithashtu kishte qasje në llogaritë bankare të zv.presidentit të atëhershëm Joe Biden ndërsa Schwerin shërbeu gjithashtu si president i Rosemont Seneca Partners, LLC, një kompani e themeluar nga Hunter Biden.
Komunikimet në laptop që Hunter Biden dyshohet se ishte braktisur në një dyqan riparimi kompjuterësh në Delaëare në 2019 përfshinin një email në të cilin Schwerin aludonte se Joe Biden i detyrohej para të birit dhe Schwerin transferonte fonde nga llogaria bankare e Joe Biden te Hunter Biden.
Republikanët kanë vënë në dyshim në mënyrë të përsëritur nivelin e përfshirjes që Joe Biden kishte në marrëdhëniet e biznesit të familjes së tij. Joe Biden kishte pohuar gjatë ciklit të fushatës 2020 se “Unë kurrë nuk kam folur me djalin tim për marrëdhëniet e tij të biznesit jashtë shtetit”.
Comer dhe ligjvënës të tjerë republikanë kanë kërkuar një sërë të dhënash biznesi nga familja Biden për muaj të tërë, duke përfshirë të ashtuquajturat ‘raporte të aktivitetit të dyshimtë’ (SARs) të cilat janë krijuar nga institucionet bankare për të shënuar aktivitetin financiar potencial kriminal.
Sipas raportit republikan të nëntorit, ka të paktën 150 SAR të lidhura me transaksionet financiare të anëtarëve të familjes Biden. Comer i ka kërkuar Departamentit të Thesarit të SHBA-së që t’i dorëzojë ato SAR në shumë raste, duke përfshirë më së fundmi në janar.
Biden pretendon se republikanët kanë ‘teori konspirative’
Hunter Biden ka qenë nën hetim për të paktën dy vjet. Në dhjetor 2020, djali i presidentit zbuloi se FBI-ja dhe zyra e Prokurorit të SHBA-së në Delaware po hetonin taksat e tij, por tha se ishte i bindur se rishikimi do të tregojë se ai i trajtoi ‘punët e tij në mënyrë të ligjshme dhe të përshtatshme, duke përfshirë përfitimin e këshilltarëve profesionistë tatimorë’.
Deri më tani, asnjë akuzë nuk është ngritur kundër djalit të presidentit.
VINI RE: Ky material është pronësi intelektuale e The Epoch Times
