Një 57-vjeçar është arrestuar në Durrës pasi u denoncua nga emisioni “Fiks Fare” për shitje arme.
Shtetasi M.N banues në Shënavlash u arrestua për veprat penale “Mbajtje pa leje dhe prodhimi i armëve, i armëve shpërthyese dhe municionit” dhe “Trafikimi i armëve dhe municionit”.
“I shiti një shtetaseje, një armë zjarri kallashnikov, të cilën e mbante pa leje, vihet në pranga 57-vjeçari dhe sekuestrohet arma e zjarrit.
Specialistët për Hetimin e Trafiqeve të Paligjshme të DVP Durrës, menjëherë pas denoncimit të bërë nga gazetarët e emisionit investigativ “Fiks Fare”, arrestuan shtetasin M. N., 57 vjeç, banues në Shënavlash, Durrës.
Arma e zjarrit dhe municioni luftarak u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Mbajtje pa leje dhe prodhimi i armëve, i armëve shpërthyese dhe municionit” dhe “Trafikimi i armëve dhe municionit”.
Drejtoria Vendore e Policisë Durrës falënderon gazetarët e emisionit Fils Fare për bashkëpunimin dhe i fton qytetarët e mediat që të denoncojnë çdo rast paligjshmërie në numrin 112, duke iu garantuar reagim të menjëhershëm”-njofton policia.
