Ankesat nga konsumatorët për bankat dhe firmat e tjera financiare në Gjermani u rritën me një të pestën vitin e kaluar, tregojnë të dhënat zyrtare, teksa rregullatorët po përpiqen të forcojnë besimin në sektor.
BaFin, mbikëqyrësi financiar i Gjermanisë, ka rritur fokusin e saj në mbrojtjen e konsumatorit pas rrënimit të Wirecard, kompania e pagesave që u përfshi në një skandal kontabël.
Ajo mori 15,000 ankesa nga konsumatorët në ekonominë më të madhe të Evropës për bankat e tyre dhe ofruesit e tjerë të shërbimeve financiare vitin e kaluar, nga 12,500 në 2021 dhe për të katërtin vit radhazi me rritje të mprehta.
Sipas zyrtarëve, bankierëve dhe avokatëve të mbrojtjes së konsumatorit, grindjet përfshijnë kohë të gjata përpunimi për mbylljet e llogarive, ndryshimet në termat dhe kushtet dhe tkurrjen e rrjeteve të degëve.
Shifrat, të raportuara nga Reuters për herë të parë, do bëhen publike në një raport vjetor në maj.
“Nuk mund të ndodhë asnjëherë që institucionet financiare të ecin mire ndërkohë që i trajtojnë keq klientët e tyre,” tha në një intervistë Chan-Jae Yoo, një zyrtar i BaFin.
Deutsche Kreditwirtschaft, një organizatë ombrellë që lobon për financat gjermane, tha se bankat gjermane janë ‘jashtëzakonisht të qëndrueshme dhe të fuqishme’ dhe besimi mbetet ‘i lartë dhe i pandikuar’ nga trazirat e fundit që rrjedhin nga kolapsi i tre bankave në SHBA e Zvicër.
Por një sondazh i vitit të kaluar nga YouGov tregoi se shkalla e besimit në sektorin financiar të Gjermanisë, thelbësore për nxitjen e stabilitetit financiar më të gjerë dhe tërheqjen e kapitalit për të mbështetur rritjen ekonomike, ishte nën mesataren globale, duke mbetur prapa si vendeve Kanadaja, Australia dhe tregjet kryesore aziatike.
Besimi global
Niels Nauhauser, një avokat i konsumatorit në shtetin jugperëndimor të Baden-Wurttemberg, ka kaluar dy dekada duke luftuar për të drejtat e konsumatorëve.
“Thjesht fakti që konsumatorët po na pyesin gjithnjë e më shumë dhe po kërkojnë këshillën tonë është një provë e mjaftueshme se ata nuk u besojnë plotësisht institucioneve financiare,” tha ai.
Një studim i këtij viti nga EY zbuloi se 25% e të anketuarve në Gjermani u besojnë firmave financiare, 31% nuk u besojnë dhe 44% janë të pavendosur.
“Ashtu si në çdo industri që ofron shërbime në biznesin me shumicë, ka raste në të cilat ka dallime mendimesh midis klientit dhe bankës,” tha Deutsche Kreditwirtschaft, duke treguar shifrat e veta që treguan një rënie të ankesave të konsumatorëve vitin e kaluar, ndryshe nga të dhënat e BaFin.
Mbrojtjet dhe të drejtat për klientët e institucioneve financiare janë vënë nën kontroll të shtuar nga rregullatorët dhe gjykatat gjermane.
BaFin, i cili është rishikuar me udhëheqjen e re pasi u fajësua gjerësisht për moszbulimin e mashtrimit në Wirecard, vitin e kaluar goditi kohëzgjatjen e dhënë ndërmjetësuesve për të përpunuar kërkesat për transferimin e llogarisë.
Procesi javor për të zhvendosur një llogari te një ndërmjetës i ri shpesh do ta linte klientin në harresë dhe në mëshirën e çdo luhatjeje në tregje.
Një vendim kyç i Gjykatës së Lartë të Gjermanisë në vitin 2021 e bëri gjithashtu më të vështirë për bankat ndryshimin e afateve dhe kushteve të tyre, duke përmbysur një praktikë që kishte lejuar për dekada bankat të rrisnin tarifat pa pëlqimin e qartë të mbajtësve të llogarive.
Bankierët thonë se vendimi ka shtuar kostot dhe burokracinë.
Në Shtutgart, më i famshëm për industrinë e tij të makinave sesa financat, Nauhauser ka fituar këtë vit koncesione nga divizionet e Deutsche Bank dhe Commerzbank.
Objektivi i tij i radhës është Allianz, pasi ka paditur siguruesin për ndryshimet në pagesat e policave të sigurimit të jetës që ai thotë se nuk janë transparente. Një seancë është caktuar në një gjykatë të Shtutgartit këtë muaj. Allianz tha se ‘i qëndron të gjitha angazhimeve dhe garancive kontraktuale’.
Ndërkohë, Nauhauser premtoi se do mbajë presionin ndaj firmave financiare, të mëdha dhe të vogla.
“Ne duam që shërbimet të vendosin veten në treg duke plotësuar nevojat e konsumatorit, jo të ushqejnë industrinë financiare,” tha ai.
VINI RE: Ky material është pronëësi intelektuale e Reuters
Përgatiti për Hashtag.al, K.Manjani
