Ish-kryeministri Sali Berisha ka reaguar në lidhje me qëndrimin kundër të NATO-s për masterplanit për projektin e Portit të Durrësit, e cila shprehu një ditë më parë se ky projekt nuk i përmbahet kapaciteteve për ankorimin e anijeve.
Në një dalje për mediat, Berisha akuzoi Ramën se kërkonte që të përfshinte në aferë NATO-n.
Berisha e cilësoi si përpjekje monstruoze për të veshur me petkun e Aleancës për të mbuluar vjedhjen e madhe që po i bëhet pronës publike.
Berisha tha se Rama kërkon që të cenojë sigurinë e vendit, ndërsa shtoi se në këtë rast, kreu i shtetit duhet të kishte mbledhur Këshillin e Sigurisë Kombëtare dhe do “gozhdonte kryetarin e qeverisë për këtë aferë mafioze”.
“Sot jam këtu për të falënderuar me mirënjohje aleancën e Atlantikut të Veriut e cila hodhi poshtë përpjekjet e Ramës, për të mashtruar këtë aleancë dhe për ta ndërthurur atë në aferën megakorruptive të portit të Durrësit, Rama -Alabbar.
Vizitat ne seli të Ramës, Xhaçkës dhe presidentit me një axhendë Porto Romanon dhe mbështetjen nga NATO, për mbylljen e Portit të Durrësit, shndërrimin e tij defakto, pasuri shumë miliardësh të Ramës dhe klanit të tij mafioz, më i rrezikshëm në Europë, dhe miliardët të Emirateve, janë një histori e turpshme.
Përpjekje monstruoze për të veshur me petkun e Aleancës për të mbuluar vjedhjen e madhe që po i bëhet pronës publike, shkelmimin e interesave strategjike të Shqipërisë dhe NATO.
Në çdo vend në këtë situatë, kreu i shtetit do të kishte mbledhur Këshillin e Sigurisë Kombëtare dhe do gozhdonte kryetarin e qeverisë për këtë aferë mafioze që kërkon me çdo kusht të bëhet miliarder me pronat publike të shqiptarëve dhe të kërcënojë sigurinë e Shqipërisë dhe NATO.
Kjo do jetë një çështje e rëndësishme e debatit sapo të hapet Parlamenti i kyçur në mënyrë antiligjore nga Rama dhe Linda e Parlamentit”, tha Berisha.
