Qyteti gjerman i Dresdenit i ka vënë një rruge emrin e personit të quajtur zakonisht ‘gruaja e parë trans në botë’.
Autoritetet në qytetin e Dresdenit kanë emërtuar një rrugë të re lidhëse sipas piktorit danez Einar Wegener, të cilin ata e përshkruajnë si ‘gruaja e parë trans në botë’.
Megjithëse jetonte pjesën më të madhe të jetës së tij si burrë, Wegener përfundimisht braktisi identitetin e tij mashkullor për të jetuar si Lili Elbe, duke iu nënshtruar një prej operacioneve të para në botë për ndryshimin e seksit në vitin 1930.
E kryer nën mbikëqyrjen e gjinekologut Kurt Warnekros dhe teoricienit të seksualitetit Magnus Hirschfeld, procedura përfshinte heqjen e penisit dhe testikujve të Wegener, përpara se një vaginë dhe vezore të transplantoheshin në trupin e tij.
Piktori vdiq në Dresden vetëm një vit më vonë, thuhet për shkak të ndërlikimeve të lidhura me një procedurë të pestë në lidhje me ndryshimin e seksit të tij.
Duke folur për vendimin për të emërtuar rrugën e re me emrin ‘Wegener’, kryebashkiaku i qytetit Dirk Hilbert e përshëndeti piktorin si një ‘pionier’.
“Jam shumë i kënaqur që ne këtu në Dresden po nderojmë gruan e parë trans në botë dhe pionieren në luftën për njohjen dhe barazinë e komunitetit ‘queer’ duke i vënë emrin e rrugës me emrin Lili Elbe,” tha kryebashkiaku, një anëtar i gjoja me prirje të djathtë i Partisë Demokratike të Lirë.
