Kandidati që u rendit në vendin e tretë në zgjedhjet presidenciale turke, Sinan Ogan, ka mbështetur zyrtarisht presidentin Erdogan mbi kundërshtarin Kilicdaroglu për votimin e balotazhit, të planifikuar për 28 maj.
Miratimi u njoftua të hënën, pas një takimi të papritur midis Ogan dhe Erdogan në Stamboll të premten e kaluar. Pas takimit në atë kohë nuk u bënë deklarata publike.
“Më 28 maj 2023, po deklaroj se do mbështesim kandidatin e Aleancës Popullore, Rexhep Tajip Erdogan, në raundin e dytë”, tha Ogan në një deklaratë, duke iu referuar aleancës elektorale mes Partisë për Drejtësi dhe Zhvillim (AK) të Erdoganit dhe Partisë së Lëvizjes Nacionaliste të ekstremit të djathtë (MHP).
Ogan argumentoi se ishte ‘vendimi i duhur për vendin dhe kombin tonë’ dhe përmendi shumicën parlamentare të Erdoganit midis arsyeve për miratimin.
“Është e rëndësishme që presidenti i sapozgjedhur të jetë nën të njëjten udhëheqje si parlamenti. Nga ana tjetër, aleanca e Kemal Kilicdaroglu nuk mund të shfaqte sukses të mjaftueshëm kundër Aleancës Popullore e cila ka qenë në pushtet për 20 vjet dhe nuk mund të krijonte një perspektivë që mund të na bindë për të ardhmen,” argumentoi Ogan.
Vetë një ish-deputet i MHP-së, Ogan kandidoi për president si kandidat i pavarur i paraqitur nga Aleanca e Paraardhësve (Aleanca ATA). Blloku zgjedhor u formua nga disa parti më pak të krahut të djathtë me platforma të ndryshme politike vitin e kaluar.
Ogan fitoi rreth 5.17% në raundin e parë të votimit më 14 maj dhe u perceptua menjëherë si ‘mbreti’ që do vendoste për balotazhin. Raundi i parë përfundoi pa fitore përfundimtare, pa asnjë kandidat që arriti pragun e 50% për të fituar plotësisht. Erdogan mori 49.5% të votave, ndërsa Kilicdaroglu i Partisë Popullore Republikane, kundërshtari i tij kryesor, mori rreth 44.9%.
