Ambasadorja amerikane Yuri Kim ka vizituar Tropojën, duke nisur kështu procesin e lamtumirës së dhënies fund të detyrës së saj diplomatike në Shqipëri.
Në statusin e postuar nga ambasada amerikane shkruhet se Kim, gjatë vizitës së saj në Bajram Curri, ajo u takua me qytetarë të zonës, duke shprehur mirënjohjen dhe dashurinë e saj për Tropojën si një nga vendet e saj më të pëlqyera në Shqipëri.
“Kur jam me ju, ndiej se jam me familjen time.” është shprehur Kim.
Statusi:
“Ambasadorja Yuri Kim vizitoi Tropojën për të nisur procesin e lamtumirës në përfundim të detyrës së saj në Shqipëri. Gjatë vizitës së saj në Bajram Curri, ajo u takua me qytetarë të zonës, duke shprehur mirënjohjen dhe dashurinë e saj për Tropojën si një nga vendet e saj më të pëlqyera në Shqipëri. Duke vënë në dukje rrënjët e saj familjare në malësi, ambasadorja Kim falënderoi tropojanët për mikpritjen e tyre të ngrohtë dhe u tha atyre: “Kur jam me ju, ndiej se jam me familjen time.”
