Pesëmbëdhjetë persona u arrestuan sot nga Guardia di Finanza, në Basilicata, Liguria dhe Puglia si pjesë e një operacioni antidrogë nga Prokuroria e Rrethit Antimafia e Potenzës, i cili goditi një klan të përbërë nga italianë dhe shqiptarë të akuzuar për trafik ndërkombëtar heroine, kokaine, hashashi dhe marihuanë) nga Shqipëria, ku investoheshin të ardhurat e akumuluara të paligjshme, raporton ANSA.
Baza e organizatës ishte në Scanzano Jonico (Matera), në një fermë që shërbente si “ekran” për trafikun e drogës.
Lidhja me Shqipërinë u bë përmes “një sistemi kompleks bisedash të koduara”.
Trafikantët përdorën një platformë mesazhesh të konsideruar “të sigurt”.
Në kuadër të një hetimi të koordinuar nga Drejtoria Antimafia e Distriktit Trento u kapën mbi 20 kilogramë heroinë, 5.7 kilogramë marihuanë dhe 105 gram kokainë.
Krahas arrestimit të 15 të dyshuarve, kryesisht shqiptarë, mes të cilëve edhe “kreu” i organizatës dhe bashkëpunëtori i tij më i afërt, pronar i bazës, u bë sekuestrimi i aseteve, të drejtpërdrejta dhe të barasvlershme. një vlerë prej 4.2 milionë euro, “që korrespondon me fitimin e vlerësuar që rrjedh nga të ardhurat e trafikut të drogës që u investuan në Shqipëri “për blerjen e pasurive të paluajtshme dhe aktivitetet tregtare”.
