Udhëtarët në gjithë Anglinë pritet të përballen me ditën e dytë të ndërprerjes së shërbimeve hekurudhore pasi mijëra punëtorë hekurudhor nga dy sindikata hekurudhore zhvillojnë nesër ditën e dytë të grevës.
Anëtarët e Unionit Hekurudhor, Detar dhe Transportit (RMT) filluan grevën të premten mbi një mosmarrëveshje të vazhdueshme për pagat me kompanitë e trenave.
Më vete, anëtarët e Shoqatës së Inxhinierëve dhe Zjarrfikësve (ASLEF) do largohen të shtunën pasi sindikata kundërshtoi ofertën e rritjes së pagës prej 4%.
Greva e ASLEF ka shumë të ngjarë të godasë finalen e FA Cup mes Manchester City dhe Manchester United, e cila do të zhvillohet në stadiumin ‘Wembley’ të shtunën.
Sipas ‘National Rail’, kompanitë që janë prekur nga grevat janë Avanti West Coast, C2C, Chiltern Railways, CrossCountry, East Midlands Railway, Great Northern, Great Western Railway, Greater Anglia (përfshirë Stansted Express), LNER, London Northwestern Railway, Hekurudha Veriore, Hekurudha Jugperëndimore, Hekurudha Juglindore (vetëm ditët ASLEF), Thameslink, TransPennine Express dhe West Midlands Railway.
Ndërkohë, Sekretari i Përgjithshëm i RMT, Mick Lynch, të premten u shkroi një letër ligjvënësve britanikë, duke dënuar trajtimin e qeverisë për mosmarrëveshjen e gjatë të hekurudhave kombëtare.
Duke akuzuar qeverinë për ‘shpërdorim të qëllimshëm të miliarda stërlinave për një luftë të kotë kundër sindikatave hekurudhore’, ai kërkoi nga deputetët që të shtyjnë qeverinë të lehtësojë një ofertë të përmirësuar që ‘do mbrojë personelin dhe shërbimet dhe do të japë një marrëveshje më të drejtë për punëtorët hekurudhor.
“Në vend që të punojë për t’i dhënë fund mosmarrëveshjes mes një krize të kostos së jetesës, të cilën ajo duket se nuk e ka idenë se si ta trajtojë, qeveria e Mbretërisë së Bashkuar ka shpërdoruar vitin e shkuar miliarda stërlina në një luftë të kotë kundër sindikatave hekurudhore, të gjitha në emrin e realizimit të reformave që udhëtarët nuk i duan.” – tha ai.
