Makina e pare që ofron pajisje droge falas në Nju Jork, e vendosur në lagjen Brownsville të Brooklyn, ishte zbrazur thuajse e gjitha brenda 24 orësh, raportoi New York Post.
E pajisur mirë me komplete ‘për pirjen e duhanit më të sigurt’ që përmban tuba pa plasaritje, pajisje ‘për nuhatje më të sigurt’, shirita testimi të fentanilit, spërkatës për hundët Narcan kundër mbidozimit, çamçakëz nikotine dhe prezervativë, kutia e madhe blu përmbante vetëm një çantë kundër mbidozimit dhe një palë shirita testimi të nesërmen.
Qyteti ka në plan të instalojë tre makineri të tjera të drogës së njohur si ‘crack’, secila me kosto 11,000 dollarë, në lagjet që vuajnë më shumë nga kriza e mbidozës së opioideve.
Mjetet brenda makinerive do jepen falas për këdo që fut kodin postar, ndërkohë që të dhënat do ruhen nga OJQ-ja ‘Ndihma për të Pashërbuarit’.
“Ne jemi në mes të një krize mbidozimi në qytetin tonë, e cila po na merr një njujorkez çdo tre orë dhe është një shkak kryesor i rënies së jetëgjatësisë në NYC,” tha Komisioneri Shëndetësor i Nju Jorkut Ashwin Vasan në një deklaratë duke njoftuar vendosjen e makinës shitëse.
“Ne do të vazhdojmë të luftojmë për t’i mbajtur gjallë fqinjët dhe të dashurit tanë me kujdes, dhembshuri dhe veprim,” deklaroi ai, duke theksuar shpërndarjen e ‘mjeteve të shpëtimit të jetës si Naloxone’.
