Një nga momentet kyçe gjatë natës ishte kur mercenarët e Wagner u larguan nga Rostov-on-Don, një qytet i rëndësishëm rus që ata efektivisht kishin marrë kontrollin gjatë rebelimit të tyre, sipas BBC.
Ata u larguan pasi udhëheqësi i tyre Yevgeny Prigozhin ra dakord t’i jepte fund kryengritjes dhe të shkonte në Bjellorusi. As ai dhe as trupat e tij nuk do të përballen me akuza, tha Kremlini.
Ndërsa trupat e Wagner u larguan nga qyteti, ata u përshëndetën nga një turmë në dukje mbështetëse e cila brohoriti, duartrokiti dhe bëri foto.
Presidenti Vladimir Putin i kishte dënuar veprimet e Prigozhin si “tradhti” në një fjalim televiziv kombëtar të shtunën.
Por situata u përshkallëzuar pikërisht kur trupat e Wagner po shkonin drejt kryeqytetit, Moskës.
Marrëveshja për t’i dhënë fund rebelimit erdhi nga negociatat midis Prigozhin dhe udhëheqësit të Bjellorusisë Alexander Lukashenko.
