Franca u përgatit për më shumë protesta të zemëruara të mërkurën pas vrasjes së një adoleshenti nga policia gjatë një ndalese trafiku që presidenti Emmanuel Macron e quajti “të pafalshme”.
Qeveria tha se do të vendosë 2,000 policë për t’u marrë me çdo trazirë, një ditë pasi një 17-vjeçar u qëllua në gjoks nga një oficer policie, i cili më pas dukej se gënjeu për rrethanat e vrasjes, sipas France 24.
Të shtënat kishin shkaktuar trazira në disa periferi të Parisit gjatë natës.
Të famshëm dhe politikanë shprehën zemërim dhe pikëllim për vdekjen e adoleshentit. Vet presidenti Macron e quajti aktin “të pashpjegueshëm” dhe “të pafalshëm”.
Adoleshenti, i quajtur Nael M., u arrestua nga dy policë të martën për shkelje të rregullave të trafikut, thanë prokurorët.
Policia fillimisht raportoi se një oficer qëlloi mbi adoleshentin sepse ai po ngiste makinën e tij drejt tij, por ky version i ngjarjeve u kundërshtua nga një video që qarkullonte në mediat sociale dhe e vërtetuar nga AFP.
Pamjet tregojnë se dy policët në fakt qëndrojnë në krah të makinës së palëvizshme, me njëri që i drejton një armë shoferit. Dëgjohet një zë që thotë “Do të marrësh një plumb në kokë”.
Më pas, oficeri i policisë duket se ka qëlluar me pikë të zbrazët ndërsa makina po largohet papritmas.
Makina ka lëvizur disa dhjetëra metra përpara se të përplasej. Shoferi ka ndërruar jetë pak më pas.
Vdekja e tij shkaktoi protesta të menjëhershme në Nanterre, një periferi perëndimore e Parisit.
Ministri i Brendshëm Gerald Darmanin tha të mërkurën se 31 persona u arrestuan gjatë natës, 24 policë u plagosën lehtë dhe rreth 40 makina u dogjën.
Darmanin shtoi se 2,000 policë do të vendosen për t’u marrë me çdo dhunë të mëtejshme më vonë të mërkurën.
