Kryeministri hungarez Viktor Orban tha të premten se anëtarësimi i Ukrainës në NATO do të kishte shkaktuar një luftë të re botërore.
“Nëse Ukraina do të ishte pranuar në NATO, kjo do të nënkuptonte një luftë të menjëhershme botërore”, tha Orban në një intervistë radiofonike, sipas AA.
Ai shtoi se plani për të pranuar Ukrainën në aleancën ushtarake duhej të parandalohej dhe të “pastrohej” në samitin e NATO-s.
Sipas Orban, Perëndimi dëshiron që lufta ruso-ukrainase të vazhdojë për një kohë të gjatë.
“Prandaj qeveria hungareze duhet të jetë e përgatitur për faktin se lufta dhe sanksionet nuk do të zhduken së shpejti”, shtoi ai.
Orban kritikoi gjithashtu stilin e komunikimit “të pazakontë” të presidentit ukrainas Volodymyr Zelenskyy.
“Nëse jeni në telashe dhe kërkoni ndihmë, silluni siç duhet”, tha Orban.
Ai shtoi se sekretari britanik i mbrojtjes Ben Wallace madje kritikoi presidentin ukrainas Zelenskyy pas samitit të NATO-s për “mungesën e mirënjohjes”.
“Ukrainasit janë agresivë, ata janë kërkues,” tha Orban, duke shtuar se bota duket ndryshe nga Ukraina sesa nga “kolltukët tanë të rehatshëm prej lëkure”.
