Ish-presidenti i SHBA-së, Donald Trump, pretendoi të martën se kishte prova të mashtrimit zgjedhor në Gjeorgji, pasi ai dhe 18 të tjerë u paditën me akuza në lidhje me përpjekjet e supozuara për të përmbysur rezultatet e zgjedhjeve presidenciale të shtetit 2020.
Trump njoftoi në Truth Social se ‘një raport i madh, i ndërlikuar, i hollësishëm, por i pakundërshtueshëm’ mbi mashtrimin zgjedhor në Xhorxhia është pothuajse i përfunduar dhe do të paraqitet prej tij ‘në një konferencë të rëndësishme shtypi në orën 11:00 të hënën e javës së ardhshme në Bedminster, New Xhersi’.
“Bazuar në rezultatet e këtij raporti përfundimtar, të gjitha akuzat duhet të hiqen kundër meje dhe të tjerëve – Do ketë një shfajësim të plotë! Ata kurrë nuk shkuan pas atyre që manipuluan zgjedhjet. Ata ndoqën vetëm ata që luftuan për të gjetur manipulimin!” – tha ai.
Një juri e madhe ktheu një aktakuzë prej 41 pikash të hënën vonë pasi kaloi ditën duke dëgjuar dëshmitë e dëshmitarëve, përfshirë ish-guvernatorin Geoff Duncan, dhe duke vlerësuar provat nga prokurorët.
Trump tani është paditur katër herë në gjykatat shtetërore dhe federale që kur la detyrën. Akuzat variojnë nga pagesat e parave të heshtura për një yll të filmave porno, përpjekjet për të përmbysur rezultatet e zgjedhjeve kombëtare, mbajtja e paligjshme e dokumenteve të klasifikuara dhe përpjekjet për të parandaluar hetuesit të kryejnë detyrat e tyre.
Trump u akuzua në Xhorxhia me 13 akuza penale.
