Presidenti serb Aleksandar Vuçiç tha të dielën se zgjedhjet e parakohshme parlamentare në vend mund të mbahen në gjashtë deri në shtatë muajt e ardhshëm.
“Do kemi zgjedhje shumë shpejt. A do të jenë pas tre apo gjashtë muajsh? Sigurisht që do ketë zgjedhje brenda gjashtë deri në shtatë muajt e ardhshëm,” u tha Vuçiç gazetarëve në kryeqytetin e Hungarisë, Budapest, ku ai është në një vizitë zyrtare dyditore.
Asambleja Kombëtare Serbe është një legjislaturë me një dhomë me 250 vende dhe zgjedhjet parlamentare mbahen çdo katër vjet.
Në qershor, kryeministrja Ana Brnabiç tha se ishte e gatshme të jepte dorëheqjen, pas disa javësh protestash lidhur me dy të shtënat masive në maj.
Brnabiç tha se ajo favorizonte zgjedhje të parakohshme deri në fund të vitit, por vendimin ia la presidentit Vuçiç, i cili tha se votimi mund të pritej deri në fund të vitit.
Zgjedhjet e parakohshme do nënkuptojnë se votuesit do të shkojnë në qendrat e votimit për herë të tretë në katër vjet.
