Anëtarja e kryesisë së Partisë Demokratike, Jonila Godole ka reaguar në lidhje me ndryshimet statutore të miratuara sot në Kuvendin Kombëtar të PD-së.
Nëpërmjet një reagimi, Godole shprehet se ndryshime të tilla e bëjnë PD-në të jetë larg standardeve demokratike, duke e kthyer sërish partinë në PD –në e ‘Njëshit’.
“Kuvendi i sotëm i PD-së? I gjithë procesi i komanduar me urdhër nga lart, pa diskutime konstruktive, dhe me ndryshime statutore të atilla që e bëjnë PD-në e Bashës përsëri PD-në e Njëshit, siç ka qenë para tij, larg standarteve demokratike për një alternativë ndryshe”, shkroi ajo në Facebook.
